|
Something going on in de party and people watching. When Bharrat was president, and de party had press conference Rob Earth was de man. He use to be de main spokesman after Donald. Anything, from elections to agriculture was Rob Earth.Now Donald is de president and dem boys notice that is a different man doing de talking. Ah Kneel talking bout everything. He talking bout budget, he talking bout Amaila, he talking bout plane and now he talking bout radio licence.Of course, de man step up fuh defend Donald big time but dem boys seh that he got he aim. Donald refuse to sign two opposition Bills and Ah Kneel seh that Donald right. He proppa talk bout that. But was de radio licence that he try fuh excel. It look like if he dancing pun one foot in Donald camp and de other foot in Bharrat camp.Dem boys seh that when a man can dance like that he got to be some acrobat and he mekking sure that he keep out Rob Earth. And that is how he come up wid de new excuse that people talking race when dem criticize wha Bharrat do wid de radio licence.Well dem boys want tell he that he excuse can’t hold water much less hold weight. Nobody ain’t believe that. Of course one set of people get all de cake then when people talk dem can only talk bout who get de cake. Is de same thing if dem get de biggest share of de cake.De truth is that not Donald, not de Lunch Man, not Ah Kneel can defend de radio licence. Dem shame and dem got to talk because nuff people talking. De Americans talking, de Trinidadians talking,Wholesale NFL Jerseys, de International Press talking and of course, everybody in Guyana talking.Ah Kneel got to talk bout wha Donald plan to do wid some of Bharrat people in de party. He sidelining couple of dem already.Talk half and watch how Donald does kick. |
|