Brian Elliott Jersey gu05svlc

nice6boyt7

Everybody got dem own interest. Dem boys read how a judge in California uphold a decision that gay people got de right to marry. All dem gay celebrate till somebody find out that de judge heself gay.That is wha dem boys call self interest but wha de people claim is dishonesty. Now dem appealing de decision.De same thing does happen in Guyana when certain people got dem own interest and does do everything to defend that interest. When certain contracts pass and dem boys talk people does come out like ants and cuss dem boys.Is de same way people cussing de West Indies selectors. Dem place a big order fuh caps and dem had de caps put up. Somebody check and dem see de caps start fuh dry rot suh dem got to give dem out.Long time was people who mek nuff runs at de domestic level that use to get pick fuh West Indies but de cap situation got dem picking all kind of people just to give out de caps. Gayle,San Francisco Giants Deion Sanders Jersey, Chanderpaul and Sarwan got caps already suh to mek space de selectors drop dem and pick people who can’t even play.Dem boys seh that de selectors already give out seven caps and dem got more to give out. And while dem selectors was giving out caps Bharrat was giving out kites. He travel de length and breath of de country giving away kites and is not de kind that mek in Guyana. Was Chinee kites that come as gift de same way dem laptop come as gift.Robert of de PNCR use to give out kites too but this year he couldn’t because every time he go wid he set de people tell he that dem get from Bharrat already. And who didn’t get from Bharrat get from Donald.Easter done and dem got to find something else to give away. Dem boys seh that dem can give away more contracts.Talk half. Lef half.