|
This is de time fuh Christmas party,Cheap NBA Store, de time when every Ministry and department does try to mek de staff realize how much de boss appreciate dem. Some of dem does keep de party at some big shot place and mek de staff feel important.Dem boys never realize that dem woulda live to see de day when de boss wouldn’t even go to de party. And is not that he sick.GGMC keep dem party and dem select de place wheh Clinty de Willie use to go and eat. Was a nice party because likker flow. Everybody of importance been to de party. Dem see all dem manager, all dem directors except Clinty de Willie.It wasn’t a case of dem boys missing him because he couldn’t hide under some chair or table or get loss way in a corner. He too big to miss. He is a man when he stand in a crowd de crowd does look like a doughnut, thick on de outside and thin in de middle. Is only Clinty de Willie can hold in de middle.When dem boys ask dem other directors why Clinty De Willie was absent de Minister seh that he demand that de party provide jumbo prawns and big basha. Dem people seh not a bit of it.Brassington didn’t go to any party either. Last year, at this time he been all over de place. He go to GPL party. Even NICIL wid three people host a party and Brassington was the centre, if only because of he size.This year people can’t even see de man. And it ain’t because Brassington reduce in size. This man lie bout how he spend money in Linden. De boss man in Linden come out and tell Brassington that he lie.Soulja Bai hear these things and he pussyfooting wid de charges. That is why dem boys now want to believe that dem got people in Soulja Bai camp who encouraging slackness. It was only when dem boys start to talk bout jail that some of dem disappear. Dem now get frighten because dem know that is not everybody gun fall fuh dem stupidness.Talk half and watch how dem running like bed bug from bright light |
|