|
There is a saying that is better fuh keep you mouth shut and mek people think you is a fool than to open you mouth and remove all doubt. Dem boys don’t believe that Uncle Donald is a fool but dem believe that he don’t know if he deh pun he head, he foot or he behind.Dem seh that dem don’t want fuh disrespect he but he putting heself in a position fuh people disrespect him. Imagine de man tell a crowd that dem don’t have evidence of corruption. Ralph tell de world that dem have corruption; Papa Cheddi daughter tell everybody in Berbice that dem have corruption and even Uncle Donald heself seh that he know dem have corruption and he tell he party people that he wouldn’t tolerate any of dem if dem get tie up in de corruption that taking place.Well dem boys want know how this man can seh that dem ain’t got no corruption in Guyana. When a government give a man like Fip who never build a toilet US$15.4 million fuh build a road and then lef he fuh walk away wid US$ 6 million that is corruption.When dem give dem contractor more money than a project cost and then accept shoddy work that is corruption. What was going on at Hen See Hen was corruption. People tekking de money fuh de company and putting it in dem pocket. But Uncle Donald seh that he ain’t see no evidence of corruption.Dem boys seh that he not only disappoint dem,cheap nfl jerseys china, he let de whole nation down.Talk half and pray fuh poor Uncle Donald. |
|