|
Is madness. De year just start and nuff people dead already and some barely miss death. A man build a house fuh a woman who beg he fuh leh she child father live inside. De man agree but things get bad because de other man nearly done he dance.Dem boys hear how this child father want sleep wid de woman but she respect de man who build de house and is that cause de story. Dis other man get vex and he chop up de man who build de house.Dem boys watch de commotion and when de cutlass start fuh fly dem run. De ambulance come and when people believe that de story done de man come back,Cheap Jerseys, tek de other man out de ambulance and chop he again because he claim how he really want done de man dance.Bharrat done Greenidge dance too. Greenidge talk against de government at Winston Murray funeral and Bharrat call he colleagues in Trinidad, Barbados, Jamaica and St Vincent. Together dem agree to done Greenidge dance.Then a man done he wife dance at Zeelugt because he suspect that she got another man. He had to be a fool because he done he own dance because when de police put dem hand pun he is in de jail and inside that place men does mek other men tun woman.Talk half. Lef half. |
|