|
Ole people seh that when you hand in tiger mouth you got to pat he head. Dem same old people seh that when you got something good tek care of it. Guyana had Delta. That was a good airline and woulda been de best in a lifetime. De airline big and got nuff plane all over de world.De Rat and Irfaat chase out de people because dem had dem own aim wid Sonny and he Easy Come Easy Gone.Dem got no choice but to use Caribbean Airline. Dem try wid Jet Blue,China Jerseys Authentic, John Blue and Boy Blue and nobody ain’t coming. Fuh bribe Caribbean Airline dem give de airline flag carrier. Dem believe that de airline gun stay.Now Irfaat threatening de people. He tell dem that he don’t tek eye-pass,Cheap Authentic Jerseys Online, that we ain’t gun tolerate this nonsense any longer. He talking bout de high fare. Wha he don’t understand is that if de people pull out Timehri gun get grass pun de runway. Rob Earth gun use it as a drying floor like wha he build all across de country.De airstrip gun look like de one at Wakenaam wha dem spend how much hundred million pun.Dem boys seh that he got to be an idiot. He talking bout Caribbean Airline need to build loyalty wid de Guyanese people. Dem don’t need Guyanese. Dem don’t need to build loyalty. We should build loyalty right now because if dem pull out he got to swim wid a belly band.He is de same man who tell de world that Guyana got equal say wid everything in de region. He right not to include Uncle Sam because dem does pull he in and keep he fuh hours every time he land. Dem boys want to know how fat he does talk. Why he don’t open he mouth and tell Guyana bout that?Talk half and get ready to swim to Trinidad |
|