|
De other day dem boys find out that everybody use to con poor Bharrat Jagdeo. A high school dropout from de States come and nearly squeeze US$7 million out of Jagdeo. Was taxpayers money and it wasn’t coming out of Bharrat Jagdeo pocket. Is de jail wha de man,Cheap Authentic Jerseys, Bernard Kerik,cheap nfl jerseys elite, get wha save Guyana. And dem boys seh that de man claim how he want Bharrat in de same jail.De dust barely settle and it look like if Bharrat tie bundle wid another set of cockish people. He go to China couple time and he hear bout China Railway. He think was a train till dem people tell he is a construction company.He get hooked when de company tell he that dem gun lend he nuff money if he hire de company fuh build de hydro. Well he get Fip fuh link up wid a big American company and this company hire China Railway.But wha get dem boys worried is that de American company know that China Railway build a bridge that collapse and kill people and it still go and sign the contract fuh this same company build a hydro dam and power station in Guyana.Well dem boys believe that all this is a plan fuh drown de people. De dam that China Railway intend to build gun collapse just like de bridge. People ain’t got to worry about de power station because dem gun dead and dead people don’t need electricity. Is de whole US$840 million gun go down de drain.De man had a Chinee company build de Skeldon sugar factory and that ain’t wukking. Dem laying a cable from Brazil and that got problems too. Is everything dem build got problems and de hydro gun be no different.Talk half and run from dem Chinee contractor. |
|