Wholesale Nike New England Patriots Jerseys From China trj01ht4

micevan1l6

A lot of people conning poor people all over de country. Imagine a man can tell poor people that he can sell dem house lots. People deh suh bad fuh get a house that dem fall fuh de con. And every day Irfaat telling people how he giving out house lots.He tell people how he buy land from GuySuCo and he selling but it look like if whatever he buy from GuySuCo ain’t reaching de people who want. So this con man collect $80 million from poor people.When de police go fuh he, he jump through a back window. Dem boys seh that somebody from Irfaat office had to call he to tip he off.  Is who he sharing this money with? How come he get stamp from de Housing Ministry?One man seh that de whole of Guyana is con. Dem got a big con wid this specialty hospital to de point wheh de Minister telling reporters fuh shut up when dem ask questions.Dem had a con before that. De New GPC tell de whole nation how it mekking AIDS drugs. Leslie get in on de con and dem actually tell de lady who responsible fuh drugs fuh shut she mouth. Is a good thing dem outside people was watching. That con fall through but de Health Ministry pay some good money fuh de li’l bit dem produce.Dem got a con wid de people who got to get CT scan. Imagine de main hospital ain’t got no machine fuh do de scan but dem other hospital got; even Woodlands wheh Leslie got a share. Since somebody got to get a scan Leslie mek sure that dem got to go to he hospital.Uncle Donald ain’t seeing these things because he and all get con.Talk half and pray that dem con man end up in pumpkin jump suit.