|
Sherlock in a bad way and nobody don’t care. De poor man feel like he running mad and all Donald do is tell he to go back to wuk because de parliament need he right deh. Things wouldn’t have been so bad if de parliamentarians dem use to behave demself.De other day dem pass four Bills but to this day none of dem same Bills ain’t reach Donald. Well dem boys seh that is that put pressure pun poor Sherlock. Granger calling pun he fuh send de Bills to Donald and Ah Kneel telling he to send de Bills to de AG Chambers.As soon as one call Sherlock wid he instructions de other one calling wid de other instructions. Sherlock holler at de top of he voice. Then he tell dem reporters that if he stay one more week pub de job he gun get a stroke.De man ain’t stop deh. He claim that this is de wuss parliament he ever wuk in. And he right. He never see a parliament wheh people fighting every session. He never go to a session wheh dem vote fuh cut de budget and is like if nutten ain’t happen because de government spending de same money that get cut.Sherlock,China Jerseys Authentic, wid tears in he eye,Cheap Baseball Jerseys, seh that he willing to call it a day if only he can get he pension.He got four more years fuh reach retirement age but ever since he meet de age fuh collect he public service pension he been asking Donald fuh a chance. He seh that Donald ignore he. Then Granger giving he instructions. Well that was de last straw.Sherlock get mad. He tell Granger that he ain’t got authority to give he instructions and if he think he powerful leh he go and give Donald instruction. Clement watching de situation and Ah Kneel done know that nutten Granger do can mek he get dem Bills.But dem boys seh that talk fuh rain,Jim Palmer Orioles Jersey, talk fuh sun de man who checking de Bills did want to go home fuh a long time too but de same Donald telling he that dem ain’t got no replacement. So Sherlock and de man in Ah Kneel office got to unite to deal wid Granger. |
|