|
People draw drop when dem hear that Gail running fuh de presidency. Dem boys remember that she use to talk like Janet and people even use to believe that she was Janet daughter. Now she want follow in Janet footsteps. She want to be de president. She challenging Ramotar,jerseys nfl wholesale, Rohee,Jerseys NFL Wholesale China Online, Ramkarran and Nagamootoo.But dem boys seh that she is not good news fuh de Low Carbon Development Strategy. Bharrat did a good thing when he cut de deal wid Norway. De people give Guyana money fuh preserving de environment.If Gail get de presidency de Norwegians gun pull back dem money. Gail gun pollute dem atmosphere. De amount of smoke that she gun put in de atmosphere gun tun back dem Norwegians. All wha Bharrat wuk for gun get tun back.That is why de people inside de party wouldn’t vote fuh she till Norway give Guyana all de money.Rohee is another one. He gun mek sure all dem goat disappear from Guyana just to prevent any of dem from biting he. And he campaign slogan is ‘Goat fuh me’.Ralph got a serious problem. He run out of clients. Things brown and that is why he want to be president. He got to ketch he hand anyhow.Dem boys seh Moses done lead people in de wilderness suh dem not tekking any chance wid he.Donald claim how he got to wear suit. He fed up wid de damn shirt jac ting. Herman pun Lombard Street got suit in all colour and he order couple well. But Herman seh that he got to tuck in he belly.Dem boys plan fuh give he couple girdle just fuh de belly.Talk half. Lef half. |
|