|
Old people got a saying that wha you pray for you does get. Jagdeo tell de reporters that de Soulja Bai government only embarrassing people and that dem should go and jail all who thief while Jagdeo heself was president.De man couldn’t tek it. Every day he open de papers he see that millions of dollar lef to go somewhere and then de money disappear. Parliament barely open its doors and some audit announce that Ashni send $500 million to Hen See Hen.He had to send it by magic because de money lef him but it ain’t reach. It could be that somebody snatch it while it was going to hen See Hen. Perhaps it reach Hen See Hen gate and somebody tek it. Whatever de case Jagdeo seh that people must get jail.Dem boys want to advise him to surrender because he was de head of Hen See Hen and any money pass he had to know bout it. It could be that de money went straight to him and he didn’t know.In fact,New York Yankees Aroldis Chapman Jersey, he always don’t know nutten when it come to money. He stand up big and bold and announce how he MPs gun shy back de money wha Soulja Bai increase. Of course,Philadelphia Phillies Michael Saunders Jersey, is only he been talking because de people ain’t seh nutten.De next thing you know de people tek de money and shut dem mouth. Most of dem was glad fuh a raise because dem wasn’t getting anything.After dem collect de cheque Jagdeo shame. He decide to mek excuse. He seh that de people now calculating how much dem should tek and then dem gun give back de rest. To who? Jagdeo even seh that dem might give de money to charity. Dem boys believe is Charity pun de Essequibo Coast.He sidekick also talking fat because he fat. He do wha Jagdeo tell him to do wid de people money. Then he sit down wid Marcie and dem do de gods. Today dem arrogant because dem believe that Soulja Bai wouldn’t touch dem. Dem gun get a rude awakening because is only time before somebody get vex and jail de whole Jagdeo Cabinet. Jagdeo might get off.Talk half and wait fuh de jail rush. |
|