|
Soup is something that some does only drink when dem sick. Some people does only drink soup pun a Sunday and then only when it got nuff obstacles.De more sophisticated people does drink soup when dem go to dinner and then,Jerseys NFL Wholesale China, only as wha dem big ones does call entrée. That is a big word fuh de thing people does nibble before de real food.But dem people who deh in Guyana like drink soup any time. Dem boys does call dem soup drinkers. Last week one of dem get ketch. He use to drink soup all de time. Every time de Big Man call he is fuh drink soup and he does drink and wipe he mouth. Dem people at APNU claim that dem didn’t know that this man was such a glutton.Dem watch he size and know that he had a big appetite but dem didn’t know was an appetite fuh soup from de Big Man table. De man,cheap nfl jerseys china, Mr. Mango,cheap nfl jerseys online, get ketch wid de soup bowl in he hand. He jump when dem boys walk up behind he. He spin round wid de bowl in he hand. And he got de nerve to claim how he didn’t drink de soup. This time de soup mark deh all over he mouth.Dem boys seh that de Big Man got all of dem just like how dem fisherman does ketch fish wid hook. When dem pull de fish got to come unless he want tear way he mouth.Is de same way dem get ketch wid de money fuh de hydro project. Dem boys seh that dey know that de Big Man like see people wid hydro seed. Dem boys don’t want any. Dem seh that is not a nice thing to fetch and that dem woman don’t like it.Dem begging de Big Man fuh reconsider whether he want all dem pickney get hydro seed fetching a load that he create. Was a small load when it start. Then it start fuh grow every month. De other day de Big Man mek de thing jump. Dem boys thought that somebody bun feather. And de same Big Man got de nerve to smile.Dem boys seh that all skin teeth nah laugh and wha is play fuh li’l boy is death fuh crappo. He should cut de pension wha he plan. After all US$200 million is nuff money and he can’t spend that in he life time. He don’t have nobody fuh lef money for when he got to collect he medal from Burnham.Talk half. Lef half. |
|