h0luhmcm

nice6boyt7

Brazzy and Ash Knee know wha dem was doing when dem hand de Amaila road contract to Fip. Dem was helping out de man because dem know that he woulda been nice to dem and lef something.  Fip come to Guyana wid nutten but when he lef he was a millionaire.Fuh help de man Brazzy and Ash Knee give he a big advance to buy machinery to do de road project. De man tek some of de money and rent a garage in Campbellville to wuk as he office. De man barely start wukking when Brazzy and Ash Knee give more money to buy more equipment.Dem boys seh that de two of dem wouldn’t do that pun dem own. Somebody had to direct dem and dem follow orders.Even de reports show that Fip had friends in high places. Every time he fall behind wid de wuk somebody would come up wid de idea that eh wukking fast and that weather holding he up. Brazzy and Ash Knee put word in Walter de Wicked mouth. De man tell de reporters that Fip done 40 per cent of de wuk.Well dem boys seh that he had to change he mouth and now de worrying how much extra dem pay Fip. When Walter de Wicked do de Maths he find out that dem actually pay Fip fuh forty cent of de wuk when he did only do 28 per cent.Dem boys seh that Brazzy and Ash Knee and Jagdeo who give de direction fuh pay Fip in advance should go to jail. Dem tek people money and play wid it as though dem was playing monopoly and Fip had a card which seh ‘Get out of jail free.Now all de story coming out. Fip was de man who cut de road but when he was to drive pun it de drive de same heavy equipment into de swamp. De excavator still dem in de swamp.And people talking how de Amaila project is a blessing. Is a blessing fuh FIP and Ash Knee and Brazzy and Jagdeo.Talk half and mek up you mind to pay dear.