Corbin got

micevan1l6

Guyana three boxers lef this country to bring back glory. Dem go in de ring and get beat up. De glory gone through de window. Dem decide to seek other glory. Dem jump ship in New York.De manager, Steve, been wid dem all de way and dem boys believe that he had some suspicion.He pose wid a photo in which one of dem same boxers been wearing trunks wid stars and stripes. De man was American before he even land in de States. Dem boys want to know if Steve didn’t watch de man trunks and realize that something wrong.Dem gone and Guyana got to find boxers fuh de 2012 Olympics now.That mean that more people got to train. Dem boys seh that no new person wouldn’t get visa suh dem got to deal wid people who already got visa.Bharrat got, Corbin got, Raphael got, Khemraj got and dem got some other people who got.Dem is de ones who got to train—people like Debbie Backer and Clarissa and Gail and Carolyn and Indra. Dem got to start jogging and weight lifting and things like that.And dem boys seh that if dem lose and dem want to abscond too, is no big thing. Guyana would welcome dem disappearance. In fact dem should go overseas from now.Talk half. Lef half.