once every ten minutes.Talk half

micevan1l6

Dem boys decide to stay outta Uncle Adam way yesterday. He was like a man on a mission.For too long dem boys accuse he of getting too soft and trying to be nice to everybody.Well, yesterday Uncle Adam decide dat he had enough.He had to prove that he was no softee. He drink some Viagra de night before and he get hard, more hard than nail. He still hard yesterday.Well like the thing affect he. An you know wha dem boys does seh about what some men does think with? He go to OoooPeeee fuh de Lunch-man press conference and he walk with Victor de cameraman. Well de guards dem tell he Victor can’t go in because he nah get a press pass. The pressure like it fly to Uncle Adam head. He see blue and de red shirt dat Kwame wearing mek it worse.He tell dem he too old fuh write and video at the same time. And he start fuh tremble wid passion.He complain how any Tom, Dick and Harrylall gat GINA press pass.He also ask dem fuh explain how all dem protesters what does deh by AFC office does wuk at OoooPeeee. None of dem ain’t gat press pass too. He want fuh know how some of dem can enter Bharrat office without press pass.When dem couldn’t explain Uncle Adam get vex. He pick up heself and lef OoooPeeee.Was de fuss time anybody know Uncle Adam do such a thing. When de news buss out, Uncle Glenn get happy. He call everybody and tell dem how Uncle Adam got balls de size of football. He tell dem boys how he proud of he Editor.He buying a drink fuh dem boys today.But before he even buy de drinks he still talking how Uncle Adam swelling low down and he belly deh right there wid whatever swelling.De swelling thing ketch Kwame eye and dem boys betting that before de week out he gun call Uncle Adam about one hundred times—better yet, once every ten minutes.Talk half, lef half.