however

micevan1l6

Donald sound like a human being when he talk to de nation last night. This is de same man who use to sound like de powerhouse who use to rule Guyana. De man suddenly wake up to de fact that he got to get helpHe different from Jagdeo. This is de man who tell people how independence come at de right time because de people who was ruling de country before use to tell people that dem shouldn’t send dem children to school.Well is either de people had sense or Jagdeo lie because he mother send he to school and nuff of dem same people who end up as minister today been to school. It either mean that dem parents was disobedient or that Jagdeo lie.Donald, however, recognize that this situation is not about we and dem. It is about co-operation and compromise. He stand up pun de stage and he talk about wha de government do over de years; about de economic growth and things like that.He ain’t spend too much time talking bout wha de government try to do and fail—things like Skeldon factory and some of dem school wha shut down because dem get too old. He ain’t even talk bout dem schools wha he got to build over although de same people who use to run de country did boast how dem build school.Dem boys notice that Donald ain’t like de other one. He ain’t got wings suh he ain’t flying so much. He rather stay home and try wid de mess he inherit than fuh tek a holiday and mek de nation pay for it.De man tell de crowd that he believe in de country; that everybody should put Guyana first. He didn’t talk to dem who put demself first and tek so much money that to this day de country can’t pay workers proper wage.There is still hope fuh Donald.Talk half and pray fuh Donald.