|
De whole country gone mad, from top to bottom. Bar Rat cussing and he supporters burning. Is like dem tek de cue from he to do things fuh fret people.One man go home and want sex. De children deh home and is not even night. De wife tell he to behave heself. He get vex. He tek some fuel and he burn down de house.This is a man who know that money don’t come easy but he don’t care. Because he didn’t get somewhere to put de small head he mek sure nobody gun have a place fuh rest dem head.When dem boys think that he was a one in a million case,Cheap Jerseys Authentic, up comes another from Berbice. He drink up and go home and light he house afire too. He wife and children was sleeping but he didn’t care.Perhaps dem two men believe that Bar Rat gun just tek money and give dem fuh build back another house. One man claim how he got to get a house like de one at Pradoville2.De thing is that all who get bun out ain’t got time to vote. Dem grieving. One woman claim how she husband seh that he following Bar Rat, but when that man was vex wid he wife he never bun down State House. But that was because State House is not he own.Woman ain’t got value fuh some people. Donald talk to some of dem because he married fuh donkey years and things still good. But de rest of dem barely married when dey wife get rid of dem. Irfaat is one.And dem boys seh that de campaign reach de stage wheh people buying ID card. De Chronicle mek a big announcement that if people ain’t got ID card dem can’t vote. That is why Kwame pay people up to $6,000 fuh de ID card.People tek he money and now dem know that dem can vote without de card if you see de line of people running to sell dem ID card. Is madness.Talk half. Lef half. |
|