|
De Bible seh, God rested one day after he mek de earth in six days. Freddie resting two days and he ain’t wuk one. He column missing from today paper and it was missing on Tuesday.God don’t like lazy people and he don’t like thief.De Ministry of Finance put out bulletin fuh 10 people. It claim that dem thief de people money but what it mean is that dem thief government money because is only government people does pocket and spend de money.Ashti put out bulletin fuh cleaner, housekeeper, and at best, some low level supervisor.But dem boys seh that de bulletin put out fuh de wrang people. De bulletin shoulda been fuh some of dem contractor, some planners,Jerseys Cheap NFL, some director and de head of some organization. Nuff name should deh in that list.When Ashti announce how he call in de police dem boys seh that de man who holler fuss is de one you got to watch. But people think Ashti decent. Yet dem been expect Peter Sellers—de man who selling government land and government property—pun that list.Anyhow, de bulletin come out de right time. Is now that de US stop giving visa, de police got to act. Is de fuss time people realise that even de most powerful man in de world can’t tell de Congress how fuh spend de people money.Right now de congress deh pun de point of shutting because de members can’t let Obama spend dem money how he want. Dem boys seh that Bharrat shoulda been in that position. He woulda cry. Fip wouldn’t get money and dem who seh that dem building de Hope Canal woulda deh bad.And all who got dem millions hide away woulda have copper today.Talk half. Lef half. |
|