|
Uncle Donald didn’t go to Linden because de people didn’t move de blockages. He did give de army and Benn send a big bulldozer. Dem shove some of de wood overboard into de creek but was nuff wood,Wholesale Authentic NFL Jerseys, enough to operate a small sawmill.When dem ask Uncle Donald why he change he mind he seh that he get frighten that when he enter Linden de people woulda put back de blockage and he woulda get trap inside.That mean that he didn’t trust de helicopter that woulda lift he outa there. Then again,Wholesale Jerseys Paypal, he car wid de siren woulda lef in Linden and de regional chairman woulda drive it round de place blaring de siren like wha Rohee did do when Bharrat did lend he de car fuh a while.De people cry when dem hear Uncle Donald change he mind about going to Linden. Dem boys seh that when de people block off de road dem didn’t realize that people woulda still cross de barricade and disappear. All de Chinee doctor at de Linden Hospital move out and dem Cubans moving out too. Is only two doctor gun lef and dem is wha come back pun scholarship.De people who use to wuk at de call centre out of a wuk because de man seh that eh lose money and he shutting downBut is dem Brazilian who gun dig de hardest lash. De road from Brazil was to pass through Linden. Dem Brazilian now seh that dem ain’t able wid de blocking and thing when dem want dem vehicle fuh come out. Dem gun mek de road somewhere else. It mean that all who had plans fuh open shop fuh get Brazilian money gun lef wid de bird.Is sad that dem protesting electricity hike and now it look like Linden gun lose corn and husk.Talk half and wonder bout de other half. |
|