|
Some people does come to Guyana because dem believe that Guyanese stupid. Is any scam does wuk. Dem boys seh that a team come to Guyana wid a proposal to drill oil. Dem collect money from some people overseas and then dem decide to collect from de poor Guyanese.Old people who want to mek sure that dem get pension safe put dem money. Dem get screwed by Clico and de thing tun a habit. Dem get con wid VAT,NFL Jerseys China, dem get con wid AT then dem get con wid de T. De T is fuh Tulsie, de pump man.Tulsie hand must be tired. He get de pump business from Robert, de li’l boy, who know bout pumping and is now an expert.Guess what, de same Tulsie get more money, hundreds of million dollars more to fix pipe that already wukking. Is an excuse fuh pump some more.Meanwhile, this foreign company decide to collect from every Tom, Dick and Harry.People still believe that dem gun get returns fuh dem money. Is only because of Bharrat mek dem get something from Globe Trust. But dem like to get con just like how de government does con people wid dem contract that dem giving to all who does promise a big one a raise.And dem boys seh that is a really serious business when a stelling build fuh millions of dollars and can’t wuk. De real cost is a hard question. Is only B. K. can answer.Talk half. Lef half.. |
|