|
Dem give out de national awards and more than one hundred people get. Sam get de highest one and he mek history because fuh de fuss time a man and he wife get national award pun de same day.But dem had nuff people who didn’t get and dem was vex. Kwame did expect de Order of de Wallaba Post. He didn’t get. He didn’t even get de Order of de Shaft. Dem explain that GPL was short of Wallaba Posts suh dem couldn’t give he any.Dem contractor get dem award before. One of dem get de Amaila Falls award; another get de Koker Award and one get de Laptop Award.Dem boys seh that when de Waterfalls Bossman come back he gun be awarded too—de NIS contract, de Most Cuss Award and de award fuh exposing corruption. But de Big Man would never give he that one. He gun have to buy it in some supermarket.And talking about awards dem boys seh that some people put on suit fuh de first time just to shake de Big man hand and get a medal that dem can’t even pawn fuh save dem life.Imagine that after de elections is a new kid on de block to mek dem awards. Nuff people who didn’t get any this year might get lucky next year. But then again,Supply NFL Jerseys, that could be wishful thinking.Talk half. Lef half. |
|