|
When dem boys talk bout some things people does understand because dem always believe some of de things dem hear but couldn’t prove. Dem boys check out Jagdeo and dem find that nuff things didn’t add up suh dem talk wha dem know.But as old people seh,Cheap Authentic Jerseys, wha you do does always come back to remind you. But sometimes you does really mek people get vex. And dem boys mek Jagdeo get vex. He get suh vex that anytime he go to bed he does sleep wid dem boys pun he mind.De other day he use he newspaper fuh talk bout some investigation. He trying to bring up a story that even de police drop. He spend he years as president trying to get de police to look at de story and although dem tell him that he wasting he time he ain’t giving up.Well dem boys seh that it look like if he want company in de jail wide he but he choosing de wrang company. He already got Brassington and all dem people who he allow to get away wid all kind of crime. He get people like he best friend to milk de people wid de Berbice River Bridge,Wholesale China NFL Jerseys, he get dem fuh mek a dollar out of de Marriott but he didn’t believe that he would’a be out of control.He should ‘a look around and he woulda see how much of he old time friends jump ship. Old people always seh that if you see rat running and jumping off a ship you got better follow dem. Jagdeo didn’t even see dem rat jump off de ship.De one who been in de Finance Ministry run and hide. Nobody didn’t even look in he direction but he tek leave and then he run and lef de wuk. People ain’t even know wheh he deh.But wid all de jumping and skipping life got to go on. Dem boys know that de audit ain’t moving fast enough but Soulja Bai seh that he gun ketch. De same Integrity Commission that Jagdeo talk about gun be a reality. Donald never appoint de commission but Soulja Bai gun appoint it. All who in Parliament got to declare wha dem got.Dem boys expect nuff of dem to lie. Even Jagdeo gun lie because he think he hide he money good. Uncle Sam know de truth and he promise to help Soulja Bai. People can lie but dem gun get ketch.Talk half and watch how nuff of dem can’t sleep. |
|