|
People start fuh change dem opinion of Donald. Dem start fuh believe that he surround heself wid so much crookishness that he and all getting to look like a crook. He hug up everything that dem give when he tun president and now he start fuh look like he just like dem people and things that dem give he.Jagdeo lef he wid a radio licence problem that he coulda change but he tekking all de blows like if is he give way de radio licence. He didn’t got to do that and when de real pressure come is he name dem gun call,Cheap Jerseys Store, not Jagdeo.He got to hear how GPL suh bad that people rather live in blackout than give extra money to de power company. Is not that people ain’t getting blackout when dem in de midst of something important. Jagdeo build two new power station and Brazzy join wid Sam and announce how blackout is a thing of de past. Dem lie.Corbin was de man who had more blackout and he didn’t pretend that things good. He use to print blackout schedule suh people coulda expect dem sixteen hours a day. He never try fuh defend de blackout.Now Ah Kneel seh that people got to pay higher bill. He got to do de same unless de people got to pay he bill. Dem got to pay Donald own and Jagdeo own suh he got to find another excuse. De people done expect that.That is why people want know why Donald trying fuh defend de radio licence when is not he fault. He woulda never share out dem things fuh free. And since dem people in parliament cut de budget he can still tek back de licence and sell dem. Then he can mek more money than dem cut from de budget.But dem boys seh that he like wha happening. Imagine de new radio dem got people changing wha dem use to get accustom to. Dem careful not to seh certain things because Jagdeo claim that Guyana got anti-Indian sentiments. Hoyte and Burnham never tell de nation that dem had anti-black sentiments.But while he talking bout anti-Indian sentiments Uncle Adam already twisting up he hand and foot, Michael Jordan wining he neck and Dale Andrews trying fuh wine like Avinash Balgobin. De radio thing wukking already.Talk half and watch out fuh de whole country dancing Dhaka Dalay. |
|