Wholesale Authentic Jerseys qo2mgamf

fd9je6mn

Night mek fuh sleep and when people tek security guard wuk dem does tek a decision to tek night and mek it day. Well dem boys seh that dem have security guards who des tek de wuk and still want sleep.Nuff time dem boys ketch security guards sleeping and dem does either holler pun dem or tek dem photo and embarrass dem. Shaik gone further. He mekking Peter pay fuh Paul and Paul pay fuh all.De other day when some gunmen decide fuh bun down a school de fire people get a report and race to de scene. Dem couldn’t find de guard. When dem boys contact de boss fuh de guard service he check de roster and he know who was suppose to wuk.When dem do find de guard de woman claim how she lef fuh go to de toilet. Is then de trouble start. Dem ask she which toilet and after she stammer she tell dem that she decide to use de one at she house because she got a problem using other toilets. She wukking in town and she live at Soesdyke. Dem boys seh that she had to travel far to use de toilet.Shaik get vex and he knock off de whole guard service. De man who operate de guard service get vex and he knock off de guard. Dem boys find out that de guard get vex and she knock off she husband.Is nuff knocking off tek place because de next day Shaik tek a hammer and knock off de padlock from de Softball Association ground.De police nearly knock of a li’l boy penis wid matches and methylated spirits and of course,Cheap Jerseys China, de courts intend to mek Henry, de green one, knock off dem policemen. Talk half. Lef half.